ទឹកជ្រោះក្បាលឆាយ
ទឹកជ្រោះក្បាលឆាយ មានទីតាំងនៅក្នុងខ័ណ្ឌព្រៃនុប
មានចំងាយ ៧គ.ម ពីក្រុងព្រះសីហនុបត់ឆ្វេងចូលប្រហែល ៩គ.ម។
ទឹកជ្រោះក្បាលឆាយមានប្រភពទឹកជាច្រើនមកពីជួរភ្នំផ្សេងៗជាច្រើននៅ
តាមមាត់សមុទ្រប៉ុន្ដែមកដល់ចំនុចមុខក្បាលឆាយ
ប្រភពទឹកនៅសល់ផ្លូវទឹកបីសំរាប់ហូរដែលមានកំពស់ពី២ ម ទៅ ៤ ម។
ចរន្ដទឹកមកដល់ចំនុចក្បាលឆាយផ្លូវទឹកមានតែមួយដែលមានទឹកហូរ
ខ្លាំងហើយធ្លាកល្បាក់ទឹកមានកំពស់ ១៤ ម
ភាគច្រើនអ្នកទេសចរណ៏ចូលចិត្តមកងូត ទឹកលេងនៅ ត្រង់កន្លែង ទឹកធ្លាក់នេះ។
ប្រវត្តិទឹកធ្លាក់ក្បាលឆាយត្រូវបានគេរកឃើញនៅក្នុងឆ្នាំ១៩៦០ ដល់
ឆ្នាំ១៩៦៣ និង
ត្រូវបានរៀបចំជាកន្លែងប្រទពផ្ដល់ទឹកស្អាតសំរាប់ប្រើប្រាស់នៅក្នុង
ក្រុងព្រះសីហនុ
ប៉ុន្ដែការស្ថាបនានោះត្រូបានខកខានដោយសារសង្គាមកើតឡើងហើយតំបន់នោះ
ក៏បានក្លាយជាតំបន់លាក់ខ្លួនរបស់ខ្មែរក្រហម។ លុះមកដល់ឆ្នាំ១៩៩៧
តំបន់នោះត្រូវបានប្រែក្លាយជាតំបន់អភិវឌ្ឍន៏។ នៅឆ្នាំ១៩៩៨
តំបន់ក្បាលឆាយត្រូវបានក្រុមហ៊ុនកុកអានបាន ដិញថ្លៃ រួចចាប់
ផ្ដើមកសាងផ្លូវប្រែក្លាយតំបន់នេះជាតំបន់រម្មណីយដ្ឋាន
ទេសចរណ៏។សព្វថ្ងៃនេះមានអ្នកទេសចរណ៏ជាច្រើនបានទៅ
ទស្សនានិងងូតទឹកកំសាន្តលេងដោយសារតែនៅតំបន់ទឹកធ្លាក់នេះមាន
លក្ខណៈទឹកធ្លាក់ពីលើ ភ្នំនិងផ្ទាំងថ្មដ៏ខ្ពស់មានទេសភាពខ្យល់អាកាសបរិសុទ្ឋ
ព្រៃឈើធំៗ ខ្ពស់ៗនិង
ភ្នំដ៏ស្រស់ស្អាតជាពិសេសនៅថ្ងៃបុណ្យទានរឺនៅថ្ងៃចុងសប្ដាហ៍។
សព្វថ្ងៃតំបន់នេះបានរកប្រាក់ជាច្រើនជូនរដ្ឋាភិបាលកម្ពុជា៕
ឆ្នេរសុខា(ខេត្តព្រះសីហនុ)
ឆ្នេរសុខាលាតសន្ឋឹងវែងបន្ដពីឆ្នេរអូឈើទាល ប៉ុន្តែទឹកមាន លក្ខណៈ ជ្រៅ មានឆ្នេរខ្សាច់ ពរណ៏សរ រីឯ ទឹករលកសមុទ្រវិញ មានលក្ខណៈ ខ្លាំងជាងឆ្នេរអូឈើទាល សព្វថ្ងៃ នេះ មានភ្ញៀវ ទេសចរណ៏យ៉ាង ច្រើនកុះក៏ ជាពីសេសភ្ញៀវ អន្តរជាតិ ព្រោះឆ្នេរ នេះសព្វថ្ងៃត្រូវ បានវិនិយោគទុន ដោយក្រុមហ៊ុនសុខាអូតែល របស់ លោកឧញ្ញាសុខគង់។ នៅឆ្នេរសុខា នេះលោកអ្នក អាចងួត ទឹកលេង ដេក សំដិល លើវាល ខ្សាច់ រឺ ក៏អាចជិះទូកលេងក៏បាន លើសពីនេះ ទៅទៀត លោកអ្នកអាចជិះ ទូកទៅលេងកោះជាច្រើននៅ ក្បែរៗឆ្នេរ នោះបាន ផងដែរ។ រីឯសំរាប់ ភ្ញៀវ ទេសចរណ៏ដែល មកពីទីឆ្ងាយ អាចសំណាក់ នៅក្នុង សណ្ឋាគារ សុខា។
